Kiwa dang yoh COVID-19 ha Meghalaya da neh ki hapoh 50 ngut la 12 sngi, hapoh 100 ngut la 36 sngi wa hapoh 200 ngut la 52 sngi heiwa ynne da boon biang da kiwa dang chait hadien chi sngi.
Kiwa dang yoh ynne ka 13 tarik da em ki 7 ngut, kiwa dang chait 26 ngut wei ym em kiwa dang yap la ar sngi.
Na kiwa dang yoh kiwa boon dooh toh ha East Khasi Hills (06) wa ha Ri-Bhoi (01) katwa ha kiwi ki District ym em kiwa dang yoh.
Na kiwa dang chait kiwa boon dooh toh ha East Khasi Hills (18) wa ha West Khasi Hills (03).
Ki District wa boon dooh kiwa dang chah ktah toh ha East Khasi Hills (205), West Garo Hills (24), West Khasi Hills (18) wa ha Ri-Bhoi (15).
Ki District wa duna dooh kiwa dang chah ktah toh ha North Garo Hills (00), South West Khasi Hills (00), South Garo Hills (01), South West Garo Hills (01), East Jaiñtia Hills (04), West Jaiñtia Hills (04) wa ha East Garo Hills (07).
Waroh kiwa da chait da em ki 97.93% kiwa em 82,274 ngut, kiwa dang chah ktah da em ki 0.32% kiwa em 277 ngut, kiwa yap 1.74% kiwa em 1462 ngut, deilang dapoi 84,013 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 18,51,524 sien heiwa ynne ka sngi da e 6771 sien wa kynthup ya ki HCW 13 ngut, ki FLW 79 ngut, kiwa 18 snem chaneiñ 5544 ngut wa kiwa 45 snem chaneiñ 1135 ngut.
Waroh kiwa da yoh tika chisien da em ki 11,27,379 ngut wa 7,24,145 ngut kiwa da yoh la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
