Jowai: Ka yalang yong kiwa sikai SSA kiwa em hapoh u pood u ang ka East Jaiñtia Hills District kawa kynthup ya ka Wapung Block wa Saipung Block, daw pynman ya ka 7 tarik uni u bnai hapoh Khliehriat West Community Hall, Iawpyngkat heipor 11:00 waje i step.
Ha ka khubor wa da phah da u Greeting Hynniewta General Secretary ka Meghalaya SSA School Association (MSSASA), East Jaintia Hills District Unit da pyntip wa ha kani ka yalang daw yaklam chiboon ki phang kiwa yatoh wa i eh i khoo kiwa sikai SSA wa kynthup leh ya i eh i khoo kiwa sikai wow pynpsiah pyrtuid ya ka Online Diploma in Elementary Education (D.El.Ed) wa ka NIOS yong ka batch 2017-2019.
Kamjooh leh da pynsñiaw ya ka rai yong ka Central Executive Committee ka Seiñbei nalor ka tulop wa dang sah yong u Khonchonglad wa Kmaichonglad (November & December) u snem wa dadep wa ka arrear yong u snem 2016-17.
Ha kani ka sngi daw emlang leh kiwa kitkaam ka Seiñbei nadooh u Aristotle C Rymbai uwa mankam u State President wa kiwi kiwi.
Kamtæ da kyntu ya waroh kiwa sikai SSA kiwa haap hapoh u pood u ang ka East Jaiñtia Hills District wow wan ki cha kani ka yalang.
Discussion about this post