70% na i drugs wa wan cha Meghalaya toh iwa psiah na East Jaiñtia Hills

U Montri ka chnat Social Welfare ka jylla, u Paul Lyngdoh da ban joor u wa emkaam wow chem wei kem ya kiwa khayi drugs wa kiwi ki jait dih pynmuaid kiwa da pynpoi chapoh Meghalaya.

Da ong u wa da yaklam u wa u Symbood Montri Rangbah wa pait ya ka chnat pulit wow pynjoor yei sonteri ha ki thaw psiah chapoh jylla.

U Paul da ong u leh wa 70% na ki drugs wa psiah cha Meghalaya wan ki lyngba ka East Jaiñtia Hills District wei emkaam u pynkhlan ya ki bor pulit ha kani ka District.

Chooh chooh da ong u wa yeini u man iwa sakhiat toh wow pynsmat u thung kreh ya 3000 ngut ki pulit wa 500 ngut ki Volunteer lyngba ka Home Guard. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa ka Meghalaya man ko kawa tlot dooh ha ka ri hei duna ki pulit lada kheiñ wa i boon bru. 

U Paul da ong u leh wa nadooh wa pynbna ya ka thma pyrchah ya i drugs ha jylla, da sakhi wa da boon kiwa chah kem, i pynchitom ya kiwa tyngkheiñ aiñ leh dang ku i wei da chim leh ki laad ki luti wow yakhun pyrchah ya i drugs. 

Da ong u wa nachwa boon iwa jia dei rieh wei katni da sdang mih pyrthai ki dei chimkhia ki pulit wei da ye u kem ya ki bru hapoh ka PIT NDPS Act, 1988 wei ki mukotduma leh dang lai ki chaphrang, deiwa pynrap wa hadien wa kut ka Model Code of Conduct daw pynyoo ya ki kaam wa leh pyrchah ya kiwa khayi wa kiwa pynemkaam drugs.