Ka Meghalaya Board of School Education (MBOSE), ynne i step da pynbna ko yaka Result ka HSSLC (Arts Stream) heiwa kiwa lait da em ki 74.34% na waroh ki 24,267 ngut kiwa yaleh. Lada nujor won wa u snem 2019 kiwa lait da em ki 76.28% na ki 24,371 ngut kiwa yaleh.
Na kiwa yaleh kam ki Regular Candidate, ki chynrang wa lait da em ki 76.45% na ki 6472 ngut, ki kynthai won da em ki 85.84% kiwa 10,178 ngut. Deilang da em ki 81.93%.
Ki Non-Regular won da em 542 ngut ki chynrang kiwa lait kiwa man 28.85% wa 847 ngut ki kynthai iwa man 41.02%. Deilang da man ki 35.22%.
Na ki District, kiwa boon dooh kiwa yaleh toh ha East Khasi Hills kiwa em 8284 ngut heiwa kiwa lait da em ki 7177 ngut iwa man 86.64%. Katwa kiwa duna dooh kiwa yaleh toh na East Jaiñtia Hills kiwa em 535 ngut heiwa da lait 450 ngut iwa man 84.11%.
Ka District kawa duna dooh kiwa lait toh ka South Garoh Hills kawa em 39.03%, kiwa yoh 80% chaneiñ toh ka East Khasi Hills 86.64%, East Jaiñtia Hills 84.11%, West Khasi Hills 83.63% waka Ri-Bhoi 80.36%.
Na ri-loom Jaiñtia ki thaw puræ wa yoh 100% kiwa lait na kiwa yaleh toh ka Holy Cross Higher Secondary School, Umkiang; North Liberty Higher Secondary School, Jowai; Sawlyngdoh Higher Secondary School, Mowkaiaw wa ka Thadlaboh Presbyterian Higher Secondary School, Jowai.
Haka thup ki Top 10 won, ya i kyrdan wa nyngkong, wa ar wei wa le da yoh ka St. Anthony’s Higher Secondary School, Shillong.
