U DHS (MI) ka jylla u Dr. A. War da pyntip u wa hadooh 1 waje ynne ka 19 tarik, kiwa dang yoh COVID-19 da em ki 78 ngut, katwa kiwa dang chait da em ki 40 ngut.
Na kiwa dang yoh thymme, ha East Khasi Hills da em 47 ngut (30 ngut ki bru paidbah wa 17 ngut ki BSF), East Jaiñtia Hills 2 ngut, North Garo Hills 2 ngut wa 27 ngut ha West Garo Hills (9 ngut ki bru paidbah wa 18 ngut ki BSF)
Ki bru paidbah kiwa dang yoh thymme ha North Garo Hills toh 1 wa liwan na Assam wa 1 wa chem lyngba ka Test paidbah. Ha East Khasi Hills, 18 ngut deiwa Test paidbah ha Jhalupara, 6 ngut ha Anjalee, 6 ngut ha Upper Mawprem. Ha West Garo Hill 3 ngut toh kiwa na Tikrikilla wa 6 ngut na Phulbari kiwa da chem deiwa leh yaka Random Testing. Ha East Jaiñtia Hills toh kiwa liwan na Assam.
Kiwa dang chait toh ha East Khasi Hills 23 ngut (21 ngut ki bru paidbah, BSF-1 wa na kiwi ki chnat chipai-1). Ha West Garo Hills 9 ngut (BSF-8 wa 1 bru paidbah). Ha Ri Bhoi 8 ngut.
U DHS da pyntip u leh heiyatoh wa i leh yaka Random Sampling ha Shillong iwa da sdang nadooh ka 16 tarik uni u bnai hadooh ynne ka sngi man i kamni ha wah:
Ha Rilbong da Test ya 701 ngut wei da chem ya 38 ngut kiwa man Positive. Ha Mawpat da Test ya 79 ngut wei ym em chem ya kiwa yoh ya u COVID-19. Ha Jhalupara da Test ya 150 ngut wei da chem ya 18 ngut kiwa yoh. Ha Mawprem da Test ya 140 ngut wei da chem ya 6 ngut kiwa yoh. Ha Umpling da Test ya 123 wei ym em wa chah ktah. Ha Lum Sohra da Test ya 94 ngut wei waroh man Negative ki. Ha Anjalee haka sngi nyngkong da Test ya 93 ngut wei da chem ya 6 ngut kiwa chah ktah wei haka sngi wa bood ka 19 tarik da Test ya 226 ngut da chem ya 9 ngut kiwa man Positive. Ha Khlieh Iew da Test ya 82 ngut wei da chem ya 9 ngut wa man Positive. Ha Motphran da Test 144 ngut wei da chem ya 7 ngut kiwa man Positive. Ha Police Bazaar won da Test ya 165 ngut wei da chem ya ki 3 ngut kiwa yoh. Iwa da poi waroh 96 ngut kiwa chem deiwa leh yaka Random Testing yaki paidbah.
Kamtæ hajrong ini, u DHS da ong u wa kamwa da chem ha PB, Khlieh Iew wa Iewduh wa da sdang lai cha ka poor u khñiang hapyrdi kiwa chong chnong namo ka Community Spread kamjooh leh kamwa da yoo yeiwa jia ka Tikrikilla leh da sdang ko, kamtæ da kyntu u yaki paidbah wow neh bait hapoh yung.
Kiwa dang em ya u COVID-19 ha ki District man ki kamni ha wah:
East Khasi Hills: 470 (BSF-96, kiwi ki chnat chipai-76, ki bru paidbah-298)
West Khasi Hills: 3
Ri Bhoi: 95
West Jaiñtia Hills: 4
East Jaiñtia Hills: 8
West Garo Hills: 207
South West Garo Hills: 4
South Garo Hills: 2
North Garo Hills: 10
South West Khasi Hills: 1
Waroh kiwa dang em ya uni u khñiang da em ki 804 ngut, kiwa chait 725 wa 6 ngut kiwa yap iwa da poi 1,535 ngut kiwa da dep yoh COVID-19 ha Meghalaya.
Ki nongmuna kiwa da dep phah Test da em ki 44695 tylli, kiwa man Negative da em ki 42700 tylli wei dang yang yaka Result ki 460 ngut.
Kiwa liwan chapoh ka jylla da em ki 29135 ngut.
