U DHS ka jylla Meghalaya u Dr. A. War da pyntip u wa hadooh 2 waje ynne ka 16 tarik, kiwa dang yoh COVID-19 da em ki 82 ngut katwa kiwa chait da em ki 79 ngut iwa man leh iwa boon dooh haka chi sngi.
Na kini kiwa dang yoh, ha East Khasi Hills da em ki 20 ngut heiwa ki BSF da em ki 5 ngut wa 15 ngut ki bru paidbah. Ha Ri Bhoi 9 ngut ki bru paidbah. West Garo Hills 48 kiwa 39 ngut ki BSF wa 9 ngut ki bru paidbah.
Na kiwa dang chait, ha East Khasi Hills da em 75 ngut (BSF-21, na kiwi ki chnat chipai-3, bru paidbah-51). Ri Bhoi 14 wa ha West Jaiñtia Hills 1.
Na kiwa dang yoh thymme ha East Khasi Hills, 3 ngut toh kiwa chitom ILI (Influenza Like Illness), 2 ngut toh kiwa yabi na kiwa yoh COVID-19 ha Shillong, 1 toh wa liwan na Punjab, 5 napoh BSF, 1 napoh Police, 2 ngut kiwa yabi na Civil Hospital Shillong, 1 wa chem naka Test paidbah ha Lower Mawprem, 1 CRPF.
Ha West Garo Hills 9 ngut toh ki bru paidbah wa chem lyngba ka Test paidbah ha Tikrikilla Bazaar. Ha Ri Bhoi toh ki High Risk Contact yong uwa kreh ha khapood waka Assam wa haka Anti Dacoity Camp.
Kiwa dang em COVID-19 ha ki District man ki kamni ha wah:
East Khasi Hills-383 (BSF-71, na kiwi ki chnat chipai-70, ki bru paidbah-242)
West Khasi Hills-3
South West Khasi Hills-1
Ri Bhoi-100
West Jaiñtia Hills-5
East Jaiñtia Hills-5
West Garo Hills-183
South West Garo Hills-3
South Garo Hills-2
East Garo Hills-0
North Garo Hills-8
Kiwa dang em ya u COVID-19 da em ki 693 ngut, kiwa chait da em ki 675 ngut kiwa yap 6 ngut iwa da poi 1,374 ngut kiwa da dep yoh COVID-19 ha Meghalaya.
U DHS da pyntip u leh wa u Dr. T. Rymbai uwa yoh COVID-19 da chait u hadien wa da Test wei da chem wa ym em de u ya uni u khñiang, da em leh uwi u Doctor na Civil Hospital uwa da chait wa da yoh u liwan yung.
