Ha iwi i jia wa phylla kawi ka manbei wa 82 snem i rta ka wym ye de u khih (Paralysed) da yow wow pynlait ka na iwi i kamra wa da chah khang khyrdep heiwa da chem leh yei metyap u khon ko uwa da yap la 8 sngi ha iwi i yung ha Agartala, Tripura.
Da ong wa kani ka manbei toh kawa thiah-kjut da boon snem kattu ha i yung ko wa em ha Shivnagar, Agartala wei da sahlang ko wa u khon ko uwa pait wa yoo ya ka.
Katkam i ong ki pulit, kani ka bru toh kawa tip kam ka Kalyani Sur Chowdhury wei u khon ko toh uwa tip kam u Sudhir Sur (54 snem) wei da sah u wa ka bei u la le snem kattu hadien wa yut ka kurim u.
U Mrinal Paul, Officer-in-Charge ka Maharagang Bazar Police Outpost da ong u wa kiwa jan yung da pyntip ki wa ynnin da mih ka la’ær wa sma na ini i yung wei manda lai cha ini i yung da khyndang ya ka dwar hei emlang u Executive Magistrate wei da chem ya i metyap u Sudhir ha iwi i kamra hajrong palong.
Ya kani ka manbei won da chem na iwi i kamra wa da khang wei da kit yaka wut-wut cha i thaw sumaar.
Na ka kamra wa em u Sudhir da chem leh ya ki klong kiad boon tylli wa thylli wei da suba wa da yap u nei dih kiad.
Discussion about this post