Kiwa yalehke ka Meghalaya kiwa lai chimbynta ha ka nyngkong dooh ka Khelo India Tribal Games 2026 kawa da pynman ha Chhattisgarh da yoh ki 8 tylli ki Medal kiwa kynthup ya 2 tylli ki Gold Medal wa 6 tylli ki Bronze Medal hadooh kattæ.
Ki Gold Medal toh kawi kawa da yoh ha Archery Compound Women’s Team wa chimbynta da ka Nakibansharai Khonghat wa ka Kate Diamond Lyngdoh kiwa na East Khasi Hills deilang ka Stracy M. Sangma kawa na Ri-Bhoi District.
Sa kawi ka Gold Medal toh ha ka Archery Compound Men’s Team wa chimbynta u Donkupar L. Shadap uwa na Ri-Bhoi District wa u Phrangkupar Kharjahrin wa u Banwanbor Marwein kiwa na West Khasi Hills.
Ha ka Athletics da yoh 3 tylli ki Bronze Medal kiwa da yoh da ka Bethlyne G. Makri kawa na Ri-Bhoi District ha ka yakob 10,000 Race Walking, ka Balarisha Thyrniang na East Khasi Hills ha ka yakob 10,000 Run wa ka Melibad Kro kawa na Ri-Bhoi District ha ka Shot Put.
Kawi won ka Bronze Medal toh kawa da yoh ha ka Wrestling wa da yoh da u Juh Pa U Juh Nongtdu uwa na West Jaiñtia Hills, kawi won toh ha ka Weightlifting kawa da yoh da u Larityngkai Lawriniang uwa na Eastern West Khasi Hills katwa kawi won da yoh da ka Verem Gedaliah Nongsiej ha ka 50m Freestyle Swimming.
Ka Meghlaya kattæ da em ko heiwa 12th Position na ki 25 tylli ki jylla wa chimbynta.
Neiliang ka Department of Sports & Youth Affairs ka Meghalaya da ong ko wa ini man ko kam chibynta wow pynkhreh ya kiwa yalehke kiwa daw chimbynta ha ka 39th National Games kawa daw pynman hapoh ka jylla ha u 2027.
Kam chibynta ini, da booh Rs. 40 klur kam chibynta ka Phase-I yow pynkhreh ya ki 2000 ngut kiwa yalehke ha kylleiñ ka jylla.
Discussion about this post