Kiwa dang yoh COVID-19 ha India dang pteiñ ki wow duna heiwa kiwa dang yoh ha kini ki 24 kynta toh kiwa duna dooh hadien 71 sngi wei da em ki hapoh 1 lak ngut la 6 sngi, kiwa chait leh da boon ki ya kiwa dang yoh la 31 sngi khlem sangeh iwa da pynhiar ya kiwa dang chah ktah cha ka 10.26 lak ngut.
Kiwa dang yoh da em ki 80,834 ngut, kiwa dang chait da em ki 1,32,062 ngut, kiwa dang yap da em ki 3,303 ngut iwa mut wa kiwa dang em ya uni u khñiang da hiar ki 54,531 ngut.
Ha kini ki 24 kynta da em leh du 3 tylli ki jylla wa boon da kiwa dang yoh ya kiwa dang chait kiwa kynthup ya ka Bihar wa boon da kiwa dang yoh da 105 ngut, Mizoram 159 ngut wa ha West Bengal 1056 ngut.
Na ki 19,00,312 tylli ki Test wa da leh ha kini ki 24 kynta, kiwa chah ktah da em ki 4.25% kawa tip leh kam ka Positivity Rate kawa da neh hapoh 10% la 20 sngi.
Waroh kiwa da chait da em ki 95.26% kiwa em 2,80,43,446 ngut, kiwa dang chah ktah da em ki 3.49% kiwa em 10,26,159 ngut, kiwa yap 1.26% kiwa em 3,70,384 ngut, deilang dapoi 2,94,39,989 ngut kiwa da dep yoh ya uni u khñiang hapoh ka ri.
Heiyatoh wa i e tika hapoh ka ri da dep wow e la 25,31,95,048 sien heiwa ynnin ka sngi da dep wow e 34,84,239 sien.
