Kawi na ki bynta yong ka lehniam Behdieñkhlam wa emkaam u pyndep ynne i janmiet hadien wa da pynhiar ya ki rot ki rong wa ki khnong ha Aitnar, toh wow pynman ya ka Datlawakor ha sarok Pohsawiar (nadooh Mynthong hadooh Madan Siat-Thong).
Ya ka Datlawakor da yaleh hapyrdi ka liang u Langdoh uwa yahkhmat ya ka Pynthor Wah wa ka liang u Sangot Paswet uwa yah ya ka Pynthor Neiñ heiwa da chut ya ka lawakor kawa man ka bol dieñ heiwa katwa kiwa pynpoi nyngkong ya ka cha jar jiar ka liang da man ki kiwa jop.
Kani ka yalehke da man ko kawa yoosuk bha heiwa pyn-ar-liang da yaleh ki wow poi cha ka thong heiwa ki paidbah da yieñ ki tymbud luti wow kyr’iaw ya ka liang wa yachah ki.
Ynne i janmiet ka yakhun da kynjoh i hadooh kamwa 8:27 minit heiwa ka Pynthor Wah da man noh ko kawa jop hadien wa ye u rah ya ka Lawakor cha ka liang yong ka.
Hadien ini u Dolloi ka Elaka Jowai, u Puramon Kynjing da e khublei u ya u Trekirot uwa da yah da chdooh ya ka niam ha uni u snem wei da ong u leh wa ka lehniam Behdieñkhlam ha uni u snem man ko kawa jop.
Discussion about this post