Ka Meghalaya State Legal Services Authority (MSLSA) da pynman ko ya ka Pension Lok Adalat ha ka 12 tarik uni u bnai ha High Court ka Meghalaya, Shillong hapoh i pait u Justice Sanjib Banerjee, Chief Justice, High Court ka Meghalaya uwa man leh kam u Patron-In-Chief ka MSLSA wa hei pynlai wei yahluti u Justice H.S. Thangkhiew, Judge, High Court ka Meghalaya uwa man leh kam u Executive Chairman ka MSLSA wa u E. Kharumnuid, MHJS, Registrar General, High Court ka Meghalaya uwa man leh kam u Member Secretary ka MSLSA.
Da wan wow embyntalang da u Justice W. Diengdoh, Judge, High Court ka Meghalaya uwa man leh u Chairman ka HCLSC.
Kiwa bichaar ya kani ka Pension Lok Adalat toh ki Chief Judicial Magistrate-cum-Secretary ki District Legal Services Authority, Shillong/Jowai/Nongpoh/Nongstoin/Mawkyrwat deilang wa ki Judicial Magistrate First Class, East Khasi Hills District, Shillong ki Conciliator toh ki sahep ki Treasury, ki sahep ka MFS wa ki Finance Service Officer kiwa da chongngiah.
Da emlang leh u T.T.M. Sangma, MJS, Officer on Special Duty, MSLSA, u S. Lyngdoh, Assistant Secretary, MSLSA wa kiwa kreh ka Meghalaya State Legal Services Authority.
Ha kani ka Pension Lok Adalat, ki DDO na kiwa boon ki chnat sorkar wa kiwa da lai Pension kamjooh kiwa dang em iwa sah i hok yong ki wym pu yoh ki da wan ki wow pynsñiaw ya jar jiar ka mukotduma yong ki heiwa da ye wow pynkut ya 83 tylli na ki 276 tylli ha kani ka Pension Lok Adalat.
Discussion about this post