Ynne ka 3 tarik kawa man leh ka sngi nyngkong wa sdang i e tika yada COVID-19 neibynta kiwa em 15-18 i rta hapoh ka ri, hapoh ka jylla Meghalaya da em 874 ngut kiwa da wan wow chim tika.
Hapoh East Khasi Hills da pynman yei e tika ha ki 27 tylli ki thaw wei da wan wai da u Symbood Montri Rangbah ka jylla, u Prestone Tynsong ha Rynjah State Dispensary, Shillong.
Tangwa hapoh ka ri waroh kawi katkam wa pyntip u Health Minister ka ri, u Dr. Mansukh Mandaviya da duna 40 lak ngut (39,55,930 ngut) kiwa em 15-18 snem i rta kiwa da wan wow chim yeini i tika ynne ka sngi nyngkong.
Ha waroh kawi won ka Meghalaya ynne da e 2409 sien i tika wa kynthup ya ki HCW (04), FLW (14) kiwa 18 snem chaneiñ (1301), kiwa 45 snem chaneiñ (216) wa kiwa 15-18 snem (874).
Waroh won kiwa da yoh tika chisien hapoh Meghalaya da em ki 61% kiwa em 12,35,039 ngut wa 43.7% kiwa da yoh tika la arsien kiwa em 8,86,036 ngut deilang dapoi 21,21,075 sien wa da dep e tika hapoh ka jylla.
