89.23% ha JHADC katwa 78.41% ha KHADC kiwa thap Vote, ka yukheiñ wa khaddooh

Jowai: I yukheiñ wa khaddooh heiyatoh wa i mih ki paidbah wow thap ya ki Vote yong ki ha kani ka Election MDC cha ka JHADC da poi waroh 89.23% ha ri-loom Jaiñtia.

Na waroh ki 29 tylli ki Constituency kiwa boon dooh kiwa thap Vote toh ka 21-Tuber toh kawa da poi 96.411% heiwa na kini 3429 ngut toh ki chynrang iwa mut 95.489% katwa 3716 ngut toh ki kynthai iwa mut 97.277%.

Ka Constituency wa duna dooh toh ka Jowai-North kawa poi 81.124% kiwa thap Vote heiwa ki chynrang kiwa thap Vote da poi ki 3773 ngut iwa mut 79.281% katwa ki kynthai won kiwa wan thap Vote da poi ki 4689 ngut iwa poi 82.669%.

Da em leh 14 tylli ki Constituency wa da mih ki paidbah 90% chaneiñ kitæ toh ka Mukhla-Wahiajer (91.191%), Ummulong Moodymmai (91.275%), Nartiang-Umladang (90.209%), Shilliang Myntang (90.049%), Saphai (92.045%), Raliang (91.491%), Muthlong-Sohkymphor (90.699%), Tuber (96.411%), Musniang Rngat (95.148%), Rymbai Khliehriat (94.813%), Sutnga Narwan (90.658%), Sutnga Nongkhlieh (93.363%), Sumer (95.912%) waka Bataw Lakadong (93.177%).

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha ka KHADC won waroh kiwa thap Vote da poi ki 78.41% heiwa ka Constituency wa boon dooh kiwa thap Vote toh ka Nongshken kawa da poi 88.227% katwa kawa duna dooh toh ka Nongthymmai kawa da poi du 48.504% donhi.

Ym em leh ka wi ka Constituency wa da wan ki bru hadooh 90% kiwa poi 80% chaneiñ da em ki 12 tylli.

Na waroh ki Constituency wa da poi 58 tylli ha KHADC wa JHADC ha ki 5 tyllli ki Constituency ka JHADC da boon da ki chynrang ya ki kynthai wa thap Vote katwa ha KHADC won da pyntam ki chynrang du ha ka wi ka Constituency.