Hadooh 926 ngut ki pulit ka ri daw yoh Medal ki ha ka sngi laitlooid ka ri namo ka Independence Day 2020.
Ya ki Police Medals for Gallantry (PMG) daw e cha ki 215 ngut ki pulit, ka President’s Police Medals for Distinguished Service cha ki 80 ngut wa ka Police Medal for Meritorious Service cha ki 631 ngut ki pulit.
Na ki 215 tylli ki Gallantry Awards wa daw e 123 tylli cha ki pulit ka Jammu & Kashmir, 29 ngut toh kiwa yakhun ha ki thaw wa chah ktah ki seiñ kieñ suloi (Left Wing Extremism) wa 8 ngut ha ka thaaiñ mihsngi.
Na kini waroh ki wow yoh ya ki Gallantry Award, 55 ngut toh ki CRPF, 81 na ka J&K Police, 23 ngut na Uttar Pradesh, 16 na ka Delhi Police, 14 na Maharashtra wa 12 ngut na Jharkhand, na kiwi jylla wa na ka Central Armed Police Force.
