Kiwa dang yoh COVID-19 ha Meghalaya ynne ka 22 tarik da em ki 99 ngut, kiwa dang chait da em ki 307 ngut wa 1 wa dang yap na West Jaiñtia Hills katkam wa pyntip u DHS(MI) u Dr. A. War. Ini i boon da kiwa dang chait da man ko la 6 sngi khlem sangeh hapoh ka jylla.
Kiwa dang yoh thymme man ki kamni ha wah:
East Khasi Hills (46), West Garo Hills (12), North Garo Hills (1), Ri Bhoi District (29), South Garo Hills (7), West Jaiñtia Hills (2), West Khasi Hills (1), South West Khasi Hills (1).
Kiwa dang chait man ki kamni ha wah:
East Khasi Hills-205 (chipai-1, paidbah-204), Ri Bhoi-51, West Garo Hills-28, South Garo Hills- 8, East Jaiñtia Hills-1, South West Khasi Hill-7, West Jaiñtia Hills- 2, South West Garo Hills-3, East Garo Hills-2.
Kawa dang yap toh ka Fulmai Dhar (37 snem) kawa da rah cha MCH, Jowai kawa da booh hapoh ka COVID Wing wei kani ka bru toh kawa na Nartiang wei da khlaad ko haka 21 tarik uni u bnai heipor 12:20 i sngi.
Kiwa dang em ya uni u khñiang ha ki District man ki kamni ha wah:
EAST KHASI HILLS: 1070 (chipai-26, paidbah-1044)
WEST KHASI HILLS: 48
SOUTH WEST KHASI HILLS: 5
RI-BHOI: 169 (chipai-10, paidbah-159)
WEST JAIÑTIA HILLS: 74
EAST JAIÑTIA HILLS: 17
WEST GARO HILLS: 164 (chipai-9, paidbah-155)
SOUTH WEST GARO HILLS: 6
SOUTH GARO HILLS: 37
EAST GARO HILLS: 51
NORTH GARO HILLS: 20
Waroh kiwa dang em ya uni u khñiang da em ki 1661 ngut, waroh kiwa da chait da em ki 6981 ngut wa 78 ngut kiwa yap.
Ki nongmuna kiwa da dep phah Test da em ki 1,93,190 tylli, kiwa ym em chah ktah da em ki 1,84,470 ngut heiwa ynnin ka 21 tarik da dep wow Test 1558 tylli.
Kiwa da psiah chapoh ka jylla da em ki 50,997 ngut.
