U montri i chait i khiah ka jylla Assam u Himanta Biswa Sarma ynne ka sngi da pyntip u wa da em 46 ngut kiwa dang yoh COVID-19 ha Assam.
Ya kini da pynbna nyngkong u ya ki 4 ngut kiwa yoh heiwa na kini, 2 ngut toh kiwa na Chirang kiwa em ha Tezpur Quarantine Centre wa 2 ngut kiwa na Jorhat kiwa wan na Chennai.
Hadien kini da pynbna u wa da em sa 2 ngut kiwa na Sarusajai Quarantine Centre heiwa uwi toh uwa na Nagaon wa uwi won na Hojai.
Na Sarusajai Quarantine Centre da em biang sa 6 ngut kiwa yoh COVID-19, 2 ngut toh kiwa na West Karbi Angling wa mar uwi na Nalbari wa Guwahati.
Da pynbna won u sa ki 20 ngut kiwa yoh COVID-19 heiwa 6 ngut toh kiwa na Nalbari, 5 ngut na Kamrup, 4 ngut na Hojai, 2 ngut na Kamrup Metro, 2 ngut na Nagaon wa uwi na Morigaon.
Sa 14 ngut won da pynbna u toh kiwa 5 ngut na Hojai, 5 ngut na Kamrup, 2 ngut na Kamrup Metro, uwi na Nagaon wa uwi na East Karbi Anglong.
Wa kini waroh kiwa chah ktah ha u COVID-19 ha Assam da em ki 392 ngut, heiwa na kini kiwa da chait da em ki 57 ngut, kiwa dang chah ktah (Active Cases) 328 ngut, kiwa yap 4 ngut wa kiwa da mih napoh ka jylla da em ki 3 ngut.
Discussion about this post