Ha pyrthai u im i maa chiboon u chem,
Na i tieñ i sorsa h’u Blai da chaniah skem;
I kam ki bru da lei lei wym ye i u leh,
To chan to kyrbah da ki tympha yong mi Blai wa chkeh.
Ki eh wa boon jait da tynjooh mi ya i,
Da ki snem ki bnai ki tayaw ki sngi;
Da i kjut i sam wa ki khñiang ki puit
Da ka slap ka la’er wa wan kam u ksuid.
Yei thaw chong thaw sah wa booh hei maa,
Yei rep yei riang wow pynjæd pynpra;
Kjut i mynsien takha u nood,
Ki laad yada cheiwon u lai ood.
Ham khñium ham thlia yeini waroh,
I bor wa khlan h’u Blai wa ksoh;
Kammon u leh u Blai da bynta,
Neitæ i daw tip i ha pyrthai chong wasa.
Discussion about this post