Jowai: U slap wa joor uwa da neh ha Ri-loom Jaiñtia la kamwa chi tayaw wei uwa da joor bha ynnin, da wanrah u yei chlai ki wah ha kylleiñ ka West Jaiñtia Hills kam ka Wah Myntdu, ka Wah Mynngot, Wah Myntang, ka Umiurem wa kiwi kiwi.
Ini i chlai um da wanrah i yei oor i jæd i pra ha kiwa boon tylli ki thaw.
Ka um hadien wa da ran ko da ieh ko ya i jhep wa u chyiap ha ki hali ki pynthor wei kam ha ini i por wa dadep chara ya u kba wei ki warep da sdang dadep ki wow pooh u loor ya ki hali yong ki wei kattu won daw haap pynkhooid ki ya u chyiap wa ki tngit ki jakhlia wa neh ha ki hali.
Hawa yaklam wa ki kattu katni ki warep kiwa dadep chara kba hajan hali wa rood ki hali kiwa da chah ktah da ong ki wa kattu daw haap chara biang ki ya u kba sa chisien iwa daw ktah joor bha ya ki.
Chooh chooh da pyntip ki leh wa ki hali wa dadep pooh dadep loor da haap pyndap sboh wei khyndaw biang ki wow ye biang u rep ha ki hali yong ki kamjooh leh wow pynkhooid ya ki jhep ki jakhlia.
Da em leh ki warep kiwa da kyruiñ dei khmat yooluti cha ka sorkar wow e yarap ya ki kam ha ini i por deiwa kyntu wow e ya ki sboh wa ka poisa bai kor loor heipor wa biang.
Discussion about this post