Ki ar tylli ki seiñbhalang kitæ ka Jaiñtia Youth Federation, East Jaintia District Unit (JYF-EJHDU) deilang waka Southern Border Youth Welfare Association (SBYWA), East Jaiñtia Hills District da dawa ki naka chnat saam bordiñ (Khliehriat Distribution Division) wow leh ki da Online wow su bai bordiñ hapoh ka District neibhah katkam i chem yong ki heiwa ka Khliehriat ym em mih pyrtuid ko ha ka Website ka Megha Power kam ki chnong wa ye u su bai bordiñ deiwa leh lyngba ka Online hawa ha kini ki sngi ki paidbah da boon kiwa da pynemkaam wei da ksoh bait ki da ki Smartphone.
Katwa kamtæ da toh i por wow leh da ka Online kamwa leh cha kiwi ki thaw kam cha Jowai, Shillong, Nongpoh wa kiwi de ki sor iwa daw pynsuk ko ya ka sorkar wa yaki paidbah khamtam ha ini i por khang chnong yow duna bru wa wan cha ophis næ wow lait ko u ktah ya ka bai lai bai wan yong ki paidbah ka District waroh kawi.
Kamtæ kini ki artylli ki seiñ da kyntu ki yaka sorkar lyngba ka chnat saam bordiñ yong ka Moowakhu, Khliehriat Distribution Division wow yaklam ki wa ki heh yong ka Meghalaya Energy Corporation Limited hajrong kani ka mat dawa yong ki, da pynkut ka kyrwoh na u J. Pala, President JYF-EJHDU.
Discussion about this post