U montri i chait i khiah ka jylla Assam u Himanta Biswa Sarma da pyntip u wa ynne ka sngi da em sa 97 ngut kiwa yoh COVID-19 ha Assam.
Nyngkong da pynbna u wa em 15 ngut kiwa yoh heiwa na kini 11 ngut toh kiwa na Kamrup Metro, 3 ngut na Dibrugarh wa uwi na Lakhimpur.
Da pynbna won u sa 33 ngut kiwa dang yoh kiwa 10 ngut na Nagaon, 8 ngut na Kamrup Metro, 7 ngut na Cachar, uwi na Hojai, uwi na Dima Hasao, wa mar 2 ngut na Karimganj wa Hailakandi katwa sa 2 ngut dang yang yow pyntikna kiwa neiwon.
Da pynbna leh sa 25 ngut kiwa 13 ngut na Kamrup Metro, 4 ngut na Cachar, 3 ngut na Dhemaji, 3 ngut na Barpeta wa 2 ngut na Kokrajhar.
Hadien kini da pynbna u wa em sa 24 ngut kiwa dang yoh ya uni u khñiang khlam heiwa 11 ngut toh na Goalpara, 3 ngut na Nalbari, 3 ngut na Tinsukia, 2 ngut na Dibrugarh wa mar uwi na Kamrup, Nagaon, Karbi Anglong wa Dhubri katwa uwi dang yong yow pyntikna kiwa neiwon.
Da em leh kiwa da chait kiwa da yoh u mih Hospital kiwa 16 ngut, heiwa 15 ngut toh kiwa chah sumaar ha MMCH wa uwi ha SMCH. Uwa kynthup ya u Lab Technician ka MMCH.
Wa kini waroh kiwa da yoh COVID-19 ha Assam da em ki 880 ngut heiwa kiwa chait da em ki 103 ngut, kiwa dang em (Active Case) 770 ngut, kiwa yap 4 ngut wa 3 ngut kiwa da yoh u mih napoh ka jylla.
Kiwa dang chait kiwa chah sumaar ha MMCH 
Discussion about this post