Shillong: U Symbood Myntri Rangbah ka jylla, u Prestone Tynsong da ong u wa ka sorkar da pyrchang ko katwa ye i bor wow pynbiang ya iwa emkaam yong kiwa chong chnong wa liwan na baar jylla, wow pynbaad won wa i pynkhreh ka sorkar ym man iwa biang, næ kamwa i yooluti khamtam da kitu kiwa leh yaka Quarantine ym man ko kawa yahap.
Da ong u wa ka sorkar ka yaleh ko wow pynbiang ya kiwa emkaam wa hakhmat dooh, tangwa kiwa pynbaad wa ka sorkar ym ye ko wow pynbiang ym man iwa chongnia, deiwa pynrap wa lada ki thaw wa sah ki yoo ki wa man i iwa tngit, toh u pynkhooid hi neibhah wa chong hi-eh ki waroh chisngi, deiwa pynrap ileh wym pynkhooid hi hawa pyntngit hi.
Chooh chooh da ong u wa ki paidbah toh u pyrkhat thymme, neibhah waroh kiwa chong chnong ka jylla da yakhun pyrchah ki yaka khlam COVID-19, wei ym ye wow jop ya kani ka khlam lada ym em ka yakrehlang.
Hawa yatoh wa kitu kiwa da liwan, u Prestone da ong u wa neiliang ka sorkar da yaroh ko ya kitu ki khynroo khyllood kamjooh ya kiwa hayung kiwa liwan cha ka jylla wei kamjooh ya kitu kiwa sah bait cha ki thaw wa em ki kawa pynyoo yei ya krehlang yong ki ha kam kini ki por.
Discussion about this post