Jowai: Ynne ka sngi ka NSS Unit chirup wa ka Ek Bharat Shrestha Bharat (EBSB) Club yong ka Kiang Nangbah Government College da pynman ki ya ka yalang pynsñiawthooh paidbah namo ka Awareness Programme neibynta ki wakreh Office kani ka thaw puræ.
Ya kani ka pynsñiawthooh da pynlai da u Rimiki Nanghuloo uwa man leh uwi na kiwa sikai kani ka thaw puræ.
Da yoh yei klam na ka Principal kawa da pynkynmoo kammon wow man kiwa lehkhooid nadooh na yung hadooh cha baar khamtam heini i por wa yakhun pyrchah ya ka khlam u COVID-19.
Da yoh leh i klam na u Dr. Damewan Suchiang uwa sikai ha kani ka College hajrong ka phang kammon poor kani ka khlam ha ki bnai wa dadep wei wa katwon man i iwa tieñsar wa ku syndet kiwa chah ktah ha uni u khñiang.
Da yoh leh i klam na kawi na ki dkhot ka NSS, ka Cheerfully Kharsati kawa da batai ya ki laad ki luti kammon wow yada na kani ka khlam.
Heijooh i por da yoh ya ki kyntien na u Programme Officer ka College hajrong i chah ktah ki bru ha kiwa boon ki liang kam i dooh skur ki khynnah wei wa da haap sdang ya ki Online Class wei boon ki khynnah chem chitom ki u yoh myntoi wei wow embynta ha ki Online Class.
Da batai u leh yei ktah ko ha i khih i kreh ki bru khamtam kiwa mylla sngi wa kiwa dooh kiwa khih na kti ha ktien.
Ha kani ka programme da yoh myntoi hadooh kamwa 30 ngut tam ki wakreh kani ka thaw puræ wei da bood ki leh ya ki ya ki kyndon wa da phah da ka sorkar kam wow jngai iwi na iwi wa kiwi kiwi.
Discussion about this post