Jowai: Ki bor pynlai District ka West Jaiñtia Hills da pynman ki ya ki Hostel ka skur JNV Mukhla kam ka Quarantine Centre wow booh ya kiwa wan yung na baar jylla.
Hadooh ynne ka sngi dadep booh ya ki spah ngut mar ya wan ki wei hadien wa dadep leh ya ki test wei manda yoh ya ki report da pynlait lut ya ki wow leh Quarantine ki ha ki yung wa ki chnong yong ki.
Katkam ka yutip wa da yoh da pynbaad wa da chah tympiah ki dwar wa ki yit ki khian-dwar ka Boys Hostel kawa da pynemkaam kam ka Quarantine Centre.
Chooh chooh da pynbaad leh wa da wiar ki mug ki borti wa ki kymmor na kini ki Hostel hadien wa da liwan kiwa chong Quarantine.
Hawa yoh u yaklam wa ki kattu katni kiwa pait wa pynlai ya kani ka skur da ong ki wa chwa wow pynemkaam ya kani ka Hostel ym em u piah ki dwar wa ki yit tangwa da tip na kiwa pynkhooid wa da em ki dwar wa ki yit kiwa da piah.
Da ong ki leh wa i daw wa tympiah kiwa chong Quarantine ya ki dwar wa ki yit toh ye u man neidaw wa chrai ki wym biang i rukom pynbiang baam ya ki kamwa da ood da khñium ki cha ki Social Media.
Discussion about this post