U montri ka chnat i chait i khiah ka jylla Assam u Himanta Biswa Sarma da pyntip u wa ynne ka sngi kiwa dang yoh ya u COVID-19 da em ki 102 ngut wei kiwa chait da em ki 99 ngut.
Ya kiwa yoh COVID-19 da pynbna u nyngkong wa em 23 ngut kiwa 11 ngut na Barpeta, 5 ngut na Udalguri, 3 ngut na Dhubri, 3 ngut na Darrang wa 1 na Sonitpur.
Da pynbna won u sa 6 ngut kiwa 4 ngut na Charaideo, 1 na Sivasagar, 1 na Nagaon.
Dep te pynbna u sa 73 ngut kiwa kynthup ya 30 ngut kiwa wan daka lieñsuiñ kiwa liwan na Kuwait, 12 ngut na Cachar, 10 ngut na Kamrup, 9 ngut na Karimganj, 7 ngut na Kokrajhar, 2 ngut na Hailakandi, 1 na Barpeta, 1 Nagaon wa 1 Jorhat.
Da pynbna u leh wa da em 92 ngut kiwa da chait kiwa da dep chah Test arsien kiwa chah sumaar ha Kalapahar 46 ngut; MMCH 22 ngut; TMC 13 ngut; JMCH 7 ngut; FAAMCH 2 ngut; SMCH 1; AMCH 1.
Da pynbna u leh wa da em biang sa 7 ngut kiwa chait kiwa da yoh u mih Hospital kiwa chah sumaar ha SMCH.
Wa kini waroh kiwa chah ktah ha u COVID-19 ha Assam da em ki 1463 ngut heiwa 284 ngut toh kiwa da chait, 1172 ngut kiwa dang em ya uni u khñiang, 4 ngut kiwa yap wa 3 ngut kiwa da yoh u mih napoh ka jylla.
Discussion about this post