Jowai: Heiyatoh waka khlam COVID-19, ka chnat i chait i khiah da pynkrehkaam ko ya kiwa boon ki kyndon yow yada nei poor uni u khñiang. Kamtæ neiliang u District Magistrate, West Jaiñtia Hills da pynmih hukum u hapoh ka Section 144 Cr.P.C deiwa phah ya waroh wa ym hoi u dam u deiñ Mask hapoh ki thaw paidbah.
Kani ka hukum toh kawa da pynkrehkaam ha waroh kawi ka West Jaiñtia Hills District ya waroh kiwa mih cha lait wow deiñ ki yaka Mask.
Da booh leh yaki Executive Magistrates yow pyntikna wa kani ka hukum krehkaam ko chi syndon hadooh wa pynmih hukum da kamwi.
Ka Y.R. Mawlong, MCS u pait ko yaka chnong Jowai, ka B. Blah, MCS u pait ko yaka Thadlaskein C&RD Block, Dr. B. Langbang, BDO u pait u yaka Laskein C&RD Block,
ka R.S. Manners, MCS Additional Deputy Commissioner, Jowai u pait ko yei pynbait hapoh ka chnong Jowai wa u L. Kynjing, MCS, Additional Deputy Commissioner, West Jaintia Hills District u wow pait yei krehkaam kani ka hukum hapoh ka Thadlaskein wa Laskein C&RD Block.
Discussion about this post