Khliehriat: U District Magistrate, East Jaiñtia Hills District da pyntip paidbah u ya ki kaam wa da chah noh u leh hapoh ka District.
Da chah ya ki dukan kiwa em chithaw don u wai ki lait na ki dukn ah sñiooh wa ki Beauty parlour.
Da chah leh ya ki Courier Service kiwa pynpoi tiar wa ki E-Commerce.
Chooh chooh da chah 50% ki kari samen wa ki kari kamai u lai ki ha East Jaiñtia Hills wei da chah ya ki bru u lai u wan ki cha kiwi ki District wei ki kari wow lai toh da ka Odd wa Even. Iwa mut ki kari wa kut u Registration Number da u 1,3,5,7,9 u lai ki ha ka Monday, Wednesday wa Friday. Katwa ki kari wa kut ha u number 0,2,4,6,8 u lai ki ha ka Tuesday, Thursday wa Saturday.
Ha ka Sunday, daw chah du ya ki kari ki bru samen donhi.
Chooh chooh kiwa chong hapoh kari u man ki mar chiteiñ neiwa jooh, namo 50% iwa mut ha ki 4 chaka (kari khian) u chah du ar ngut (Passenger) katwa ki thuk-thuk nawon samen donhi lait na ka kynthai mo khynnah wa hapoh 12 snem wow chong hadien.
Uwa yah wa uwa chong toh u jngai ki iwi na iwi wei emkaam leh wow sap mask ki, ki sap-kti, wow booh ya ki hand sanitizer wei wow bood ya ki kyndon ka chnat i chait i khiah.
Kiwa leh pyrchah daw chah pynchitom ki katkam ki kyndon ka aiñ.
Discussion about this post