Shillong: Ka sorkar ynne ka sngi da rai ko wow chah noh ya i khayi ha khappood namo ki kaam Export/Import nadooh ka 8 tarik uni u bnai, tangwa da pyntip ko wa ki yaw khappood namo ki Border Haat daw man ki kiwa khang chwa.
U Symbood Montri Rangbah ka jylla, u Prestone Tynsong da ong u wa kani ka rai ka sorkar jylla toh hadien wa da yoh ya ka wyrta na ka sorkar pyrdi lyngba ka Ministry of Home Affairs wa da chah wow khayi ha khappood ka ri India waroh kawi, tangwa ka sorkar daw pynkhor bha ko yei rukom kreh khamtam ya kiwa psiah wa mih wow chalan ya ki mar.
Ha iwi i liang u Prestone da pyntip u wa ka sorkar da rai ko leh wow chah wow wai biang ya ki Shopping Complex, tangwa toh u em du 50% deiwa elaad mar kylliang, ki dukan pynmiat dur wa ki dukan ah sñiooh ka sorkar da ekti ko cha ki Deputy Commissioner wow pynbait kammon wow sdang krehkaam noh nadooh ka 8 tarik uni u bnai.
Discussion about this post