Jowai: Heiyatoh wa i long i man wa mih naka khlam COVID-19, u Deputy Commissioner, West Jaiñtia Hills da pynmih kyndon u wa yatoh wa i chait i khiah cha waroh kiwa chong dukan hapoh ka District.
Da phah ya waroh kiwa chong dukan nadooh ki dukan wa khian wa ki wa heh wow bood ki thij yaki kyndon wa da booh daka chnat Health and Family Welfare Department.
Kini ki kyndon toh kiwa ong wym hoi u dam u deiñ Mask ya waroh kiwa chong dai dukan hei rukom wa toh wei ym toh u looid heipor wa yaklam, u bood yaka Social Distancing wei wow pyntikna wa kiwa wan thied tiar leh deiñ ki yaki Mask.
Da phah leh wa waroh ki dukan u booh ki yaki Hand Sanitizers haki thaw psiah wei wow yajngai 1-2 Meter uwi na uwi wa wan thied tiar kamjooh leh kiwa dai dukan, u pyntikna leh wa ym toh u em palat 5 ngut hapoh ka dukan ha i jooh i por.
Toh u pynkhooid (Sanitize) yaki kti kiwa wan thied mar chwa wow tba ki yaki mar, deiwa e nongmuna kam yaki thaw wa dai yitkhmat wa tooh u pynkhooid chwa wow booh hei thaw booh wei wow pynkhooid ya i dukan waroh iwi khamtam ki bynta wa hap tba kam ki dwar wa kiwi kiwi.
Discussion about this post