Shillong: U Montri Rangbah ka jylla, u Conrad K Sangma da pyntip u wa ka sorkar da yatai bha ko kammon wow lai chakhmat hadien ka 10 wa 30 tarik uni u bnai, heiwa boon ki thaw kreh daw ye ki u wai wei kamjooh leh i psiah i mih cha kiwi ki jylla, wei ka sorkar da bichaar bniah bha ko leh ya i e yumut yong ka chnat i chait i khiah wow bood lang.
Hawa yatoh wa iwa yachem wa kiwa khayi na Iewduh ynne ka sngi wow kyntu ya ka sorkar wow wai noh ya katai ka yaw kawa heh ha ka jylla, u Montri Rangbah da pyntip u wa da yaklam che cha kiwa khayi wa ini i kaam toh du i kwah ka sorkar, tangwa ka KHADC waka Hima Mylliem toh kiwa embynta bha waka Iewduh.
Da ong u wa hanla ka sorkar sñiawthooh ko yei eh kiwa khayi lada khang bait yaka Iewduh, tangwa kamwa man kattæ daw hap yang yei e yumut na kitai ki ar tylli ki thaw krehkaam kammon wow lai chakhmat.
Hawa yatoh wa i wai yaki skur, u Conrad da ong wa ka sorkar ym pu chim rai hajrong ini neibhah wa hap wow pyrkhat chwa yei chngaaiñ i chait i khiah yong ki khynnah puræ, deiwa pynrap wa lada ka sorkar yoo ko wa da chngaaiñ wei da dep pynbait bha ya i krehkaam ha i liang i puræ puthi, ka sorkar daw chim ko ya i rai wow lai chakhmat.
