Jowai: Ynne man ko ka sngi kawa le nadooh wa sdang yakhih ki wakreh ka JHADC wow dam lai kreh neidaw wym yoh tulop ki la kamwa 8 bnai wei hawa yaklam wa u CEM ka JHADC, u Thombor Shiwat da ong u wa katkam ka yukheiñ, ka JHADC dang toh u yoh ko hadooh kamwa T. 93 Klur na ka sorkar.
Da pynrap u leh deiwa ong wa yoodur ka sorkar ympu yoh yukheiñ bha ko tæ hajrong ini tæ slem ko wow pyllait ya ka poisa.
Ynne ka sngi neiiang u CEM wa ki EM ka Council da khut yalang ki ya kiwa yahkhmat ka seiñ JHADC Staff Employee Association wow klam sñiawthooh wei wow sangeh noh ki u yakhih.
Katkam wa man hadien ka yalang da rai chirup wa kiwa kitkaam ka seiñ wow sdang wan kreh biang ki nadooh ka 8 tarik uni u bnai.
Da pyrchang wow yaklam wa kiwa yahkhmat ka seiñ heiyatoh weini tangwa ym hoi ka network ka mobile.
