Ka jylla Manipur ynne i miet da pynbna ko wa da em sa 8 ngut kiwa yoh COVID-19 kiwa 5 ngut ki chynrang wa 3 ngut ki kynthai kiwa da Test ha VRDL, RIMS.
U Dr. Khoirom Sasheekumar Mangang, Additional Director & Spokesperson Health Department, Manipur da pyntip u wa na kini toh arngut ki khynnah chynrang wa dang 3 snem, kawi ka khynnah kynthai wa 6 snem wa kawi kawa 32 snem kiwa na Kamjong District kiwa liwan na Mumbai.
Arngut won toh uwi uwa 19 snem wa kawi kawa 20 snem kiwa na Imphal West wa na Ukhrul District kiwa liwan na Delhi.
Sa arngut won toh ki chynrang wa 23 snem wa 41 snem kiwa na Jiribam wa Imphal West District kiwa liwan na Deoband wa Bengaluru. Wei ya kini waroh da booh haki thaw sumaar COVID-19.
Da em leh le ngut kiwa da chait kiwa da yoh u mih Hospital kiwa chah sumaar ha RIMS hadien wa dep Test yaki arsien wei pyn arsien da chem wa ym em de ki ya u COVID-19.
Wa kini waroh, kiwa chah ktah ha u COVID-19 ha Manipur da em ki 132 ngut heiwa kiwa chait da em ki 41 ngut katwa kiwa dang em ya uni u khñiang da em ki 91 ngut.
