Kam ka dak wow lehwarom ya ka rymaw, ki khynnah skur miet ka Lyngdoh Community School ka chnong Lumputhoi East Jaiñtia Hills District, kawa pait wa pynlai daka Bosco Integrated Development Society (BIDS) East Jaiñtia Hills District da ya chimbynta ki khynnah deiwa thung dieñ yow pynneh pynsah yaka rymaw.
Kamtæ ynnin ka sngi wa man leh kam ka World Environment hapoh i yahkhmat u Facilitator da thung ki khynnah hadooh 157 tylli ki tre dieñ.
“Mar ya hiar pyrthai i lyngkdang-pyllup
Da ka yudiang ka rymaw ya i da kdung da kdup
Waroh ki jait na ka i wa yoh
I e kylliang wa bha ya ka u mylliñ wym toh.”
Pynkut ka khubor na u General Secretary Chnong Lumputhoi.
