Ka Ministry of Health & Family Welfare deilang waka ICMR da pyntip ki wa ha kini ki 24 kynta itæ hadooh 8 waje ynne i step ka 6 tarik kiwa chah ktah ha u COVID-19 da em ki 9,887 ngut iwa da man ka sngi wa le wa da tam 9 hajar man ka sngi.
Na kini ki 9,887 ngut, kiwa dang yoh ya u COVID-19 da em ki 4,982 ngut katwa kiwa chait da em ki 4,611 ngut iwa da ku biang da kiwa dang yoh bar ya kiwa da chait. Kiwa yap da em ki 294 ngut.
Waroh kiwa dang em ya uni u khñiang namo ki Active Case da em ki 1,15,942 katwa kiwa chait da em ki 1,14,073 iwa mut wa boon kiwa dang em ya uni u khñiang ya kiwa chait da 1,869 ngut. Kiwa yap won waroh da em ki 6,642 ngut. Waroh kini da em 2,36,657 ngut kiwa chah ktah ha u COVID-19 ha India.
Ha kini ki 24 kynta ki jylla wa da em palat 500 ngut kiwa dang yoh COVID-19 toh ka Delhi 855 ngut, Maharashtra 822 ngut waka Tamil Nadu 566 ngut.
