Nadooh ka 11 tarik u chim noh yei dor kit mar wa thymme na ki karkhana khyndaw-bilat: JAC

Jowai: Ynne ka sngi ka Joint Action Committee yong ki tre kari wa kit mar ya ki karkhana khyndaw-bilat wa kynthup ya ka All Jaiñtia Cement And Clinker Transporters Association (AJCCTA) wa ka Jaiñtia Hills Truck Owners Association (JHTOA) da chong yalang ki wow pyrkhat hajrong ka hukum (Notification) ka sorkar jylla lyngba ka chnat Transport Department wa da pynmih ha ka 13 tarik Duyatra (January) 2020.

Kani ka hukum wa da pynmih da ka sorkar jylla lyngba ka chnat Transport Department toh kawa da pynthymme ya i dor wow kit mar ki kari heh (truck).

Ha kani ka yalang da khut leh ya ki karkhana khyndaw-bilat tangwa na ki daw wymtip ym em wa wan chimbynta ha ka yalang neiliang kini ki karkhana. 

Hanla kattæ leh ki dkhot ki ar seiñ da chong pyrkhat ki heiwa kammon u leh neini chaphrang heiyatoh wa kani ka hukum ka sorkar.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hadien ka yalang, hawa yaklam wa u JG Kyndiah uwa man u Adviser ka JAC da ong u wa ki tre truck katkam wa man katni da chem chitom bha ki neidaw wa khian ware ka bai kit wei da pyntip u wa kani ka hukum da pynku ko ya ka bai kit na ka T. 2.50 cha ka T. 9 chi ton. 

Da ong ong u wa da rai wow da e por 2 sngi ya ki karkhana wei nadooh ka 11 tarik u chim noh ya i dor wa da booh ka sorkar wei lada ym bood ki yeini daw sangeh noh wow kit ya i khyndaw-bilat wa ki clinker cha kini ki karkhana. 

Neiliang u Nidamon Chullet uwa man leh kam u President ka JHOTA da ong u wa neipor cheipor da kyrpaad ya ka sorkar wow pynku ya ka bai kit mar cha kini ki karkhana wei dap ki dei mynsien wa kmen hajrong ini i rai ka sorkar wow pynku ya ka bai kit cha ka T. 9 hadooh T. 12 chi ton.

Da beiñ joor u leh ya ki karkhana ki wym mano wow wan cha kani ka yalang hei wow pynsñiaw ya kani ka rai ka JAC hajrong ka hukum ka sorkar deiwa maham wa nadooh ka 11 tarik u sdang chim ya i dor thymme wei lada ym ngait ki neiliang ka JAC daw lai ko chaphrang wow leh yeiwa emkaam wot hadooh wow sangeh u kit mar ya kini ki karkhana.

U Nidamon da kyntu u leh ya waroh ki tre truck wow krehlang ki chirup wow pynkrehkaam ya kani ka rai ka JAC khnang wa ka thong yong ki u man ko kawa jop neibynta ka mynried yong ki.