Ka Ministry of Health & Family Affair ka ri deilang waka ICMR da pyntip ki wa ha kini ki 24 kynta itæ hadooh 8 waje ynne i step ka 8 tarik, kiwa chah ktah ha u COVID-19 da em ki 9,983 ngut iwa man leh wa wa boon dooh haka chi sngi wei nadooh ka 4 tarik uni u bnai da em bait palat 9 hajar chi sngi kiwa chah ktah ha India.
Na kini ki 9,983 ngut, kiwa dang yoh ya u COVID-19 da em ki 4975 ngut wei kiwa chait da em ki 4802 ngut katwa kiwa yap da em ki 206 ngut.
Ka Delhi kawa chah ktah bha ha kani ka khlam hapoh ka ri, ha kini ki 24 kynta ym de ko kiwa yoh thymme, kiwa chait wa kiwa yap.
Ki jylla won kiwa em 500 tam kiwa dang yoh ya uni u khñiang ha kini ki 24 kynta toh ka Maharashtra 992 ngut, ka Tamil Nadu 893 ngut waka Jammu & Kashmir 528 ngut.
Ha kini ki 24 kynta na ki jylla wa chah ktah dooh, ha Maharashtra da em 1,924 ngut kiwa chait, ha Tamil Nadu da em 604 ngut, ha Gujarat 319 ngut, ha Rajasthan 140 ngut wa ha Uttar Pradesh 537 ngut.
Deiwa kheiñlang won waroh hadooh ynne, kiwa dang em ya uni u khñiang (Active Case) da em ki 1,25,381 ngut katwa kiwa chait da em ki 1,24,095 iwa yaphær da 1,286 ngut. Waroh kiwa yap da em ki 7,135 ngut wei deiwa kheiñlang wa waroh kini da em 2,56,611 ngut kiwa chah ktah hapoh ka ri.
