Jowai: Ka seiñ Hynñiewtrep Youth Council (HYC) War Jaiñtia Circle ynne ka sngi da lai sylli ko cha Tamabil kam chibynta wow pyrchah yei thmu ka sorkar wow wai biang ya ki thaw khayi hapyrdi ka India wa Bangladesh.
Hawa yaklam wa u General Secretary ka seiñ, u Tohmon Mukhim da ong u wa ka sorkar da booh kyndon ko neipor cheipor heiyatoh kammon wow yada na ka khlam u COVID-19 tangwa ki paidbah ha ki chnong khappood lang’a mynsien ki heiyatoh wa i man i long katni.
Ka seiñ da ong ko wa i daw wa pyrchah joor ya ini i thmu ka sorkar toh wa ini ye i wow wanrah kjut cha kani ka thaaiñ deiwa kyntu ko ya ki paidbah ka War Jaiñtia waroh wow e mynsien ya ka seiñ wow pyrchah ya ini i rai ka sorkar.
U Tohmon da ong u leh wa wot ki ri wa da che da stat leh chem chitom bha ki wow chem dawai wow sumaar ya kiwa yoh COVID-19 katwon man i iwa eh ya ka jylla Meghalaya kawa dang sahdien bha ha kiwa boon ki liang neibhah kiwa psiah wa mih ha khappood ye ki wow wanrah ya uni u khñiang.
Neiliang ka seiñ da e dorkhat ko leh ha ka SDO ka Amlarem wow dawa khang namo wow sangeh chwa ya i khayi hapyrdi ki ar ri lyngba ka Tamabil wa kiwi ki thaw khnang wow yada ya ki paidbah.
