Hawa pyntip heiyatoh waka khlam COVID-19 ha ka jylla, u Montri wa pait yaka chnat i chait i khiah, u Alexander Laloo Hek da ong u wa hadooh ynne ka sngi, ki nongmuna (Sample) wa da phah wow Test da em ki 11812.
Kiwa da yoh yaka Report wa man Negative næ kiwa ym em yoh ya u COVID-19 em ki 1455 tylli, kiwa yoh won ya uni u khñiang da em ki 44 ngut heiwa na kini kiwa dang em ya uni u khñiang da em ki 30 ngut hadooh ynne, katwa kiwa dang yang yaka Report da em ki 338 tylli ki nongmuna.
Da pyntip u wa kiwa dang em ya u COVID-19 hadooh kattæ toh em ki ha Shillong 14 ngut, ha Jowai 5 ngut, Tura 5 ngut, Ampati 5 ngut wa Resubelpara 1. Katwa kiwa chong chnong kiwa da liwan na baar jylla da em ki 14453 ngut.
