Ka Wahiajer Mission Centre yong ka KJP Synod Mihngi lyngba u Rev. L. Manner uwa man kam u Field Secretary yong ka ryngkat wa u Rev. K. Pariat uwa man u Chairman da lai e yarap ki da u khoo wa kiwi de ki jait marbaam deilang waki Bible Tract, ki Mask wa sabon cha ki 40 tylli ki manyung kiwa em haka Balang Presbyterian Myngor, West Jaiñtia Hills ynne ka 10 tarik heipor 1:00 waje i sngi.
Ka Balang Presbyterian Myngor lyngba kani ka kyrwoh kwah ko u pynsñiaw yei sñiawngooh wa khroo hadooh kattæ kattæ ya kani ka Wahiajer Mission Centre yong ka KJP Synod Mihngi kawa da ye wow leh ya kam kini ki kaam wa bha cha ki parabru ha kam ini i por wa em ki eh najrong ka yalap yaka khubor na i ktien Blai. Ini i leh kani ka Wahiajer Mission Centre man ki kam ka nongmuna wa bha tam wow bood ya kiwi de ki seiñ yalap niam ha kam ini i por.
Ha kani ka sngi da sdang deiwa klam u Rev. L. Manner chaphang i thmu katai ka Mission Centre neitæ da yoh leh ya i klam wa tbian na u Tbn. E. Laloo kam u dkhot ka Mission Centre. Da yoh leh yei yei duwai na u Rev. K. Laloo uwa man u Pastor In-charge ka Saitsama District kamjooh leh hei ya emlang u Rev. P.S. Vaichei uwa man u Field Secretary ka Arunachal Mission Field yong ka Synod Mihngi.
Neiliang yong ka Balang Presbyterian Myngor da ya emlang ki Tymmenwasan wa kiwa kitkaam yong ka.
Ya kani ka wyrta da phah da u L.T. Gothang, Secretary ka Balang.
