Ka Ministry of Health and Family Welfare ka India da pyntip ko wa ha kini ki 24 kynta hadooh 8 waje i step ynne ka 11 tarik, kiwa chah ktah ha u COVID-19 da em ki 9,996 ngut iwa man iwa boon dooh hadooh ynne ka sngi.
Na kini ki 9,996 ngut, kiwa chait da em ki 5,823 ngut iwa pteiñ biang u em palat 5 hajar kiwa chait nadooh ynnin, kiwa dang yoh won da em ki 3,823 ngut iwa da duna ya ynnin ka sngi. Kiwa yap da em ki 357 ngut.
Waroh kiwa da chait da em ki 141,029 ngut iwa man 49.2% katwa kiwa dang em ya uni u khñiang da em ki 137,448 ngut iwa man 48% iwa da boon kiwa chait da 3,581 ngut ya kiwa dang em ya uni u khñiang. Kiwa yap waroh da em ki 8,102 ngut iwa man 2.8%. Waroh da em 286,579 ngut kiwa da chah ktah ha u COVID-19.
Ka Maharashtra ka jylla wa chah ktah dooh hapoh ka ri da em ko 46,086 ngut kiwa dang em ya uni u khñiang wei da chait 44,517 ngut.
Ka jylla wa ar wa chah ktah dooh, ka Tamil Nadu da em ko 17,182 ngut kiwa dang em ya uni u khñiang wa 19,333 ngut kiwa da chait.
Ka jylla wa le wa chah ktah dooh, ka Delhi da em ko 19,581 ngut kiwa dang em ya uni u khñiang wa 12,245 ngut kiwa da chait.
