Jowai: Ki MDC Ka BJP kiwa kynthup ya u Lakhon Biam, u Krison Langstang wa u Dawan Lyngdoh ynne ka sngi ka 12 tarik, kam i dak wow kynmoo warom yaka sngikha wa dap 136 snem u Rev. James Joy Mohan Nichols Roy uwa seiñdur yaki Autonomous District Council wei kamjooh u pa yong ka Sixth Schedule, da lai booh syntu ki ha i dur mot sah kynmoo yong oo, uwa em ha pchem i yungkrehkaam ka Jaiñtia Autonomous District Council (JHADC).
U Rev. James Joy Mahon Nichols Roy toh uwa da kha haka 12-06-1884 ha Mawsyiarwait, Shella cha ka manyung wa dooh tangwa dei kreh chitom yong oo da ye u wow chna ya kani ka stieh wow yada yaka jaitbru.
Neiliang kini ki MDC da ngait skem ki wa neini chakhmat ha kam kani ka sngi ym toh wow e chuti tangwa toh u bood yaka nongmuna wa ki bru wa khroo yong i da leh ki deiwa kreh chitom yong ki miet wa sngi wow pynkhroo yaka jaitbru yong i, kamtæ i leh neini chakhmat heithaw wow e chuti toh u kreh pyntam chooh chooh, kam i dak wow burom kylliang yaki longchwa manchwa kiwa krehchitom neibhah wa kani ka sngit toh ka sngi i kmen yong i kiwa em hapoh ka Council neibhah wa toh lyngba uni u bru khroo i da yoh i yaka Sixth Schedule kawa yada ya i kam ki khian paaid, ong u D. Lyngdoh.
