Ka jylla Sikkim ynne ka sngi da yoh ko sa 5 ngut kiwa yoh COVID-19 kiwa 3 ngut ki chynrang wa 2 ngut ki kynthai kiwa dang liwan chapoh ka jylla.
Kini toh 2 ngut na East Sikkim wa 3 ngut na West Sikkim District.
Ka kynthai wa 33 snem (East Sikkim) toh kawa leh Quarantine ha PNG School Quarantine Centre.
Uwi won uwa 32 snem (East Sikkim) toh uwa em hapoh ka Sunder Resort, Majhitar.
Ki 3 ngut (2 chynrang wa 1 kynthai) na West Sikkim District toh kiwa leh Quarantine ha SC Bhawan, Tashiding, West Sikkim.
Waroh kini 5 ngut ym toh kiwa em ki dak ki chin wa chitom ki wei da kit yaki cha ka Covid-19 Isolation Ward ka STNM Hospital.
Waroh ki le tylli ki Quarantine Centre wa em kini kiwa dang yoh da pynkylla noh cha ki Containment Zones.
Ha iwi won, kiwa yah yaki 12 tylli ki Bus kiwa kit ya kiwa liwan kiwa da dep Test kiwa man Positive 2 sngi chwa, da phah Test biang ya ki.
Wa kini waroh kiwa dang em ya u COVID namo ki Active Case ha Sikkim da em ki 63 ngut.
