Jowai: Waroh ym em sniawphylla de i ia i blok ha chnong Jowai iwa da jooh jia man ka sngi nadooh na Iaw Chiap, chadooh Loom Soo Iung. Yeini i blok, em ki daw kiwa boon rukom. Ki kari, katwa dang lai ki sngi, ki por, dang boon, dang boon ki man ka sngi. Kiwa wan na palat chnong leh kamtae hi, katwa i heh ki luti syngkien won neh kamjooh bait! Sa ki thaw booh kari leh ym dap thaw de ki ia waroh kini ki kari kiwa da em chwa katni.
Na pyrdi ini waroh i khynia ki surok, dang em sa kiwa booh kari khlem akor, wei ym em hi u kheiñ, u burom ki ia ki aiñ wa da booh da adong. Na pyrdi kini ki nongniah kari, em leh kiwa pyrkhat chi minit, ar minit wa hoi beit u booh kat chawa em, wat cha ki thaw wa da khang, da adong u pynyieñ kari! Em kiwi tawan kam ini i dur hawah, ki wa da ku chadooh ki thaw lai kjet (Footpath).
Hawa kamni ym hoi ma-ai u ieh ia ki kari ha yung? Tae pynemkaam da ki taxi wa boon ha chnong Jowai, neibhah, lada lai dei kjet dang ioh pathan i doh, i phad u khih, u ksar kamwa kilan! Neibhah u chong kari bait leh ym man, boi kam cha Iaw, dang smat chiboon u lai dei kjet ban yei walai da ka kari!
Discussion about this post