U symbood montri rangbah ka jylla u Prestone Tynsong da pyntip u wa haka yalang Review Meeting wa da khlieh da u montri rangbah ka jylla da chim yaka rai wow wai biang yaki yaw wa pynman chisien chi tayaw hapoh ka jylla waroh kawi nadooh ka 29 tarik uni u bnai.
Ini ym em kynthup ki yaki yaw Border Haat ki yaw wa kiwi ki ri kamjooh leh ym chah u wai yaki yaw khappood wa kiwi ki jylla.
Kamtæ da phah yaki DC wow yaklam ya pynbait ki wa kiwa embynta ha kani ka kaam yow pynbait wa kammon wow wai ya kini ki yaw.
Hawa kylli, da jubab u wa katni toh u em ka kitkhlieh lang wow yada nei poor u khñiang khlam neibhah ka sorkar leh hadooh katwon hi-eh u ye ko wow leh lada ym em i chim ki paidbah leh ya i bahkhlieh.
Da pynrap u deiwa ong wa ka jylla toh kawa duna dooh kiwa yoh COVID-19 hapoh ka thaaiñ Northeast wei kiwa yoh COVID-19 toh du kiwa liwan wei ym em poor uni u khñiang para kiwa chong chnong.
Da ong u leh wa yaki yaw hadooh katwon hi-eh u ye u khang wei da ood leh kiwa boon wow wai noh ya ki.
