Shillong: Ki dkhot yong ka Sur ki Paidbah ka Bri Hynniewtrep, ynne ka sngi da lai ki wow ap ya i eh iwa da pynman yaki Nurse wakreh hapoh ka North Eastern Indira Gandhi Regional Institute of Health & Medical Sciences (NEIGRIHMS) wow yakhih pyrchah yei wym bna ki bor pynlai yong katai ka Hospital.
U Thomas Passah da ong u wa ka seiñ ka sñiawkhia ko wow yoo wa ki wakreh wa hakhmat dooh wow yakhun yaka khlam COVID-19 da chah ieh næ lehbeiñ, wei ki dawa yong ki ym toh neibynta samen, tangwa neibynta i bha yong ka yung ka sem waka imlang sahlang.
U Egenstar Kurkalang da pyntip u wa neiliang u Director wa chipor ka NEIGRIHMS da kular u wa hapoh chitayaw daw pynbiang yaki thaw sah Quarantine neibynta ki wakreh ka Hospital kiwa hap wow sumaar ya kiwa yoh COVID-19, wei kattæ dang emkaam wow pynbiang yaka um wa i bordiñ, deiwa ong leh wa u Director da pyntip u waka Hospital da mang ko 55 tylli ki kamra neibynta ki wakreh kiwa hap u leh yaka Quarantine.
