Ka sorkar jylla ynne lyngba ka Home (Police) Department da pynbna ko wa da kyrriah ko ya ka SP ka East Khasi Hills, u SP ka East Jaiñtia Hills, u SP ka Ri-Bhoi District, u SP ka West Jaiñtia Hills, u SP ka East Garo Hills, u SP ka West Khasi Hills wa kiwi de ki heh pulit kiwa ksoh ya kiwi ki kaam kam ki SP, ki Commandant wa kiwi de.
Ya ka SP ka East Khasi Hills ka Claudia A. Lyngwa, IPS da thung noh yaka kam ka Commandant, 1st MLP Bn, Mawiong wei heitaw yong ka da thung noh da u Sylvester Nongtnger, IPS kam u SP wa thymme ka East Khasi Hills.
Ya u SP ka East Jaiñtia Hills u Vivekanand Singh, IPS da thung noh ya oo kam u SP ka CID, Meghalaya, Shillong wei hei thaw yong oo da thung da u Deepak Kumar Palecha, IPS kam u SP wa thymme ka East Jaiñtia Hills.
Ya u SP ka Ri-Bhoi District u Chemphang Syrti, MPS da thung noh ya oo kam u Asstt. Inspector General of Police (L&O), Shillong wei hei thaw yong oo da thung ya u Nazarius Lamare, MPS kam u SP wa thymme ka Ri-Bhoi District.
Ya u SP ka West Jaiñtia Hills u Lakador Syiem, MPS da thung noh ya oo kam u SP (Anti-Infiltration), Shillong wei hei thaw yong oo da thung da u Bikram D. Marak, MPS kam u SP wa thymme ka West Jaiñtia Hills District.
Ya u SP ka East Garo Hills u Ringrang T.G. Momin, MPS da thung ya oo kam u SP (Anti-Infiltration) wei hei thaw yong oo da thung da u Bruno A. Sangma, MPS kam u SP wa thymme ka East Garo Hills District.
Ya u SP ka West Khasi Hills u B.J. Laloo, MPS da thung noh ya oo kam u 2nd –in-Command, SF-10, Shillong wei hei thaw yong oo da thung da u H.G. Lyngdoh, MPS kam u SP wa thymme ka West Khasi Hills District.
U Vivek Syiem, MPS da kyrriah noh ya oo kam u SP (Anti-Infiltration) yow man noh kam u SP (City) Shillong.
U Darwin M. Sangma, MPS da thung ya oo kam u Asstt. Inspector General of Police (R), Shillong hei thaw u Nangkiew Syiem, MPS.
