U montri rangbahdooh ka ri, u Narendra Modi da ong u wa da em i pyrchang na kiwa boon ki liang heiyatoh wa i jia ha khappood wow pynsñiawthooh bakla ya kiwa boon, wei yeini da ong u ha ka yalang All-Party Meeting (APM) ynnin.
Da ong u wa ka India yieñ skem ko wow khang pyrchah yei thmu wow psiah chapoh ka ri lyngba u Line of Actual Control (LAC), deiwa pynrap wa nachwa em chiboon i eh i khoo wa yachem ki chipai wow yakhun pyrchah yeini i thmu tangwa ha kani ka kynti u khanglaad bait ya ki.
U Modi da pyntip u leh ha ka APM wa ha kani ka kynti ki chipai China rap boon ki wei ye u yaroh yei jubab ki chipai ka India ya ki. Da ong u wa i jia ha Galwan ha ka 15 tarik toh wa thmu ka China wow chna iyi iyi cha chiliang u LAC.
Kam wow pynkynmoo heini ha ka 15 tarik ha Galwan heiwa da khlaad 20 ngut ki chipai ka 16 Bihar Regiment.
Da yaroh u leh ya i mynsien wa chlur ki chipai kiwa khanglaad ya i thmu ki chipai China wow psiah chapoh India.
Da ong u leh wa ki chipai ka u pteiñ bait ki wow khang yei thmu wow psiah chapoh ka ri.
Da batai che leh wa ha ki 60 snem, palat 43,000 Sq.Km i thaw ka ri da dooh cha kiwi na ki daw wa boon wei waroh tip che ki yeini, da ong u Modi.
