Shillong: Hadien wa pynbna ka sorkar wow wai biang yaka Iewduh, ka Deputy Commissioner, East Khasi Hills District da pynmih hukum ynne ka sngi wa da chah u wai 413 tylli ki dukan (Fixed Stalls) ki wow wai man ka sngi ha Iewduh nadooh ka 22nd June, 2020 nadooh 8:00 AM hadooh 6:00 PM deiwa booh daka pali heiwa da jied katkam i sirin pyrtuid (Alphabetical Pattern) katkam wa pynbna da u Acting Syiem Hima Mylliem, Mylliem Syiemship.
Ka hukum ka sorkar da ong ko wa u Syiem ka Hima Mylliem toh u pyntikna u wa waroh kiwa chong dukan u bood ki yaka kyndon wa pynmih daka Health & Family Welfare Department ka sorkar Meghalaya.
Ka hukum da ong ko leh wa ka Iewduh COVID-19 Management Committee da chna yaka yow paitbniah ko yei pynlai yaka Iewduh deilang wa u Syiem ka Hima Mylliem kam uwa yahkhmat, waroh ki Myntri u Syiem Mylliem, ki pulit u Syiem ka Hima Mylliem, ki Enforcement ka Khasi Hills Autonomous District Council kam ki dkhot, chirrup waka Deputy Commissioner ka East Khasi Hills, Shillong ka wow mihkhmat daka B. Ranee, MCS, Executive Magistrate, ka Incident Commander ka Zone-IV, ka D.V. Lyngdoh, MCS, Executive Magistrate, Superintendent of Police of East Khasi Hills, Shillong wow mihkhmat da u Sector Police ka Zone-IV wa u District Medical & Health Officer ka East Khasi Hills, Shillong wow mihkhmat da u Medical Officer ka Zone-IV kam ki Special Invitees Members.
Ka Deputy Commissioner da phah ko leh ya kiwa chong dukan wow bood ki yaka Social Distancing wow yajngai 6 Feet, yaki paidbah wym toh u ya khynnia ha iwi thaw lane i dukan, wow deiñ yaki Mask wei ki wym bood yaki kyndon daw chah khang i dukan ki, ym toh leh wow mynthu ha ki thaw paidbah wei wow ya krehlang wa u Syiem ka Hima Mylliem.
