Ka Ministry of Health & Family Welfare ka sorkar India da pyntip ko wa ha kini ki 24 kynta itæ hadooh 8 waje i step kiwa chah ktah ha u COVID-19 da em ki 15,413 ngut.
Na kini ki 15,413 ngut, kiwa chait da em ki 13,925 ngut iwa boon dooh kiwa chait ha chi sngi, katwa kiwa dang em ya uni u khñiang da ku ki da 1,182 ngut, kiwa yap won da em 306 ngut.
Na ki jylla wa da sdang duna kiwa dang em ya uni u khñiang, kiwa boon dooh toh ha Delhi heiwa da hiar da 4,172 ngut ha kini ki 24 kynta. Iwa da sdang wow boon noh da kiwa chait kiwa em 31,294 ngut ya kiwa dang em ya uni u khñiang kiwa em ki 23,340 ngut.
Kiwa chait hapoh ka ri da em ki 2,27,756 ngut iwa da man 55.49%, katwa kiwa dang em ya uni u khñiang da em ki 1,69,451 ngut iwa man 41.28%. Iwa mut da boon kiwa chait ya kiwa dang em ya uni u khñiang da 58,305 ngut.
Kiwa yap won waroh da em ki 13,254 ngut, heiw manda kheiñlang ya waroh nadooh kiwa da chait, kiwa yap wa kiwa dang em ya uni u khñiang da poi 4,10,461 ngut.
