Kyrchaan ka JSU yei dawa ka JAC ki seiñ ki tre truck na ki karkhana khyndaw-bilat

Ka seiñ Jaiñtia Students Union-Central Body da kyrchaan pura ko yei dawa ka JAC kawa kynthup ya ka Jaintia Hills Truck Owners Association (JHTOA), ka Meghalaya Truck Union (MTU) wa ka All Jaiñtia Cement and Clinker Transporter Association (AJCCTA) wow dawa pynku ya i dor bai kari katkam ka Notification wa da e da ka sorkar jylla kawa da pynmih ha ka 13 Duyatra 2020.

Kam wow pynkymoo ka seiñ da jooh emlang ko ha ki por wa dawa ya kani ka jooh ka phang wow  pynku ya ka bai kari nadooh u snem 2017 wa heini i por leh ka Notification wa da e da ka sorkar jylla kawa dang neh i jooh nadooh u snem 2001.

Ka seiñ da kyrmen ko wa ki karkhana pynmih khyndaw-bilat leh u bood ki katkam ka aiñ wada e da ka sorkar jylla.

Ka seiñ da ong chooh chooh ko wa i dawa ka JAC toh iwa skem ka yurim neibhah da dawa ki yei hok yong ki tre kari wot wa kiwa boon leh ki bru tre ri yoh kreh ki na ki tre kari.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka sieñ da kyntu ko ya ki karkhana wymtoh u kheiñ yap ki ya i hok yong ki tre jylla neibhah emkaam wow  burom ki ya ka aiñ wada e da ka sorkar jylla.

Heijooh i por ka seiñ da ong ko wa ym elaad ko ya ki karkhana wow leh embor ki katwa ngait ki.