Ynne ka sngi ka seiñ JSM-Thadlaskein Circle hei ya emlang u President ka seiñ u Suni Bareh, u Secretary u Kermiki Bareh wa u Finance Secretary u Jeremiah Laloo da pynman ki yaka thung dieñ wa i saam khoo haka chnong Moodymmai ya iwa da sakhi da u waheh chnong katai ka chong u Manbha Laloo wa u Secretary dong u Wanri Syngkon kiwa da pdiang sñiawbha ya ini i e sñiawbha ka seiñ JSM.
I daw wa pynman yaka seiñ JSM wow leh ya ini toh wow yakhun pyrchah ya i chah ah dieñ hadooh wa da jan wiar ki khloo wa i tngit ka rymaw. Da chem leh hapoh ka chnong wa boon toh kiwa ym em yoh yaki Card Ration naka sorkar wei ym em ki yarap wa da wanrah cha ki ha kini ki snem.
U Suni Bareh da ong u wa kam ka seiñ da em ko ka chnat wa pait ya kini ki kaam wa yatoh waka bei rymaw ha ri-loom Jaiñtia. Neiliang yong ka seiñ da kular ko wow booddien waka sorkar heiyatoh wa kini ka phang wa da kdaw.
